│一暝夢 攏看無你的人

一暝夢 攏看無你的人

tsi̍t-mî bāng, lóng khuànn bô lí ê lâng

│阮的心 是夜夜塊思戀

阮的心 是夜夜咧思戀

gún ê sim, sī iā-iā teh su-luân

│情是風中的花叢

情是風中的花欉

tsîng sī hong-tiong ê hue-tsâng

│去落袂凍照希望

起落袂當照希望

khí-lo̍h buē-tàng tsiàu hi-bāng

│阮猶原為你塊清香

阮猶原為你咧清芳

gún iu-guân uī lí teh tshing-phang

│

.

.

│是緣份 乎雙人伴相隨

是緣份 予雙人伴相隨

sī iân-hun, hōo siang-lâng phuānn sio-suî

│是命運 伊將咱來放離

是命運 伊將咱來放離

sī miā-ūn, i tsiong lán lâi pàng-lī

│風吹一山過一山

風吹一山過一山

hong tshue tsi̍t-suann kuè tsi̍t-suann

│找無心愛的形影

揣無心愛的形影

tshuē bô sim-ài ê hîng-iánn

│吹袂透我心內孤單

吹袂透我心內孤單

tshue buē thàu guá sim-lāi koo-tuann

│

.

.

│人若是疼著一個無心的人

人若是 疼著一个無心的人

lâng nā-sī, thiànn tio̍h tsi̍t-ê bô-sim ê lâng

│情茫茫望你半生 通也嘸通

情茫茫 望你半生 通抑毋通

tsîng bâng-bâng, bāng lí puànn-sing, thang ia̍h m̄-thang

│像東流水 綿綿相思

像東流水綿綿相思

tshiūnn tang-lâu-tsuí, mî-mî siunn-si

│多情多怨嘆 又擱想起

多情多怨嘆 又閣想起

to-tsîng to uàn-thàn, iū-koh siūnn khí

│

.

.

│人若是疼著一個無心的人

人若是 疼著一个無心的人

lâng nā-sī, thiànn tio̍h tsi̍t-ê bô-sim ê lâng

│當作是註定紅塵 一場戀夢

當做是 註定紅塵一場戀夢

tòng-tsuè sī, tsù-tiānn âng-tîn tsi̍t-tiûnn luân-bāng

│偏偏為你 夢也相思

偏偏為你 夢也相思

phian-phian uī lí, bāng iā siunn-si

│誰的人誰疼痛 繁華攏是夢

誰的人 誰疼痛 繁華攏是夢

siáng ê lâng, siáng thiànn-thàng, huân-huâ lóng sī bāng