下晡的門口埕 日頭當落山

下晡的門口埕，日頭當落山

Ē-poo ê mn̂g-kháu-tiânn, jı̍t-thâu tng lo̍h-suann

ラジオ傳來ワルツ的歌

La-jí-ooh傳來ua-lú-tsuh的歌

La-jí-ooh thuân lâi, ua-lú-tsuh ê kua

你不時拭著汗 無閒咧收衫

你不時拭汗，無閒咧收衫

Lí put-sî tshit tio̍h kuānn, bô-îng leh siu sann

我偷偷向你行倚 招你碰恰恰

我偷偷向你行倚，招你pòng tshia̍h tshia̍h

Guá thau-thau hiòng lí kiânn uá, tsio lí pòng tshia̍h tshia̍h

莫佇遐閃 莫佇遐避 即媠的光線

莫佇遐閃，莫佇遐避，遮媠的光線

Mài tī hia siám, mài tī hia phiah, tsiah suí ê kng-suànn

來一二三 來踅箍仔 為咱奏的歌

來一二三，來踅箍仔，為咱奏的歌

Lâi tsı̍t-nn̄g-sann, lâi se̍h khoo-á, uī lán tsàu ê kua

二个無煩無惱少年人轉來啦! 時鐘無行啦!

二个無煩無惱少年人轉--來啦！時鐘無行啦！

Nn̄g ê bô-huân-bô-ló siàu-liân-lâng tńg--lâi lah! Sî-tsing bô kiânn--lah!

對生活偷一寡仔快活

對生活偷一寡仔快活

Tuì sing-ua̍h thau tsi̍t-kuá-á khuì-ua̍h

啦啦啦 啦啦啦

啦啦啦，啦啦啦

Lah lah lah, lah lah lah

下晡的門口埕 有蝴蝶二隻

下晡的門口埕，有蝴蝶二隻

Ē-poo ê mn̂g-kháu-tiânn, ū ôo-tia̍p nn̄g tsiah

咱繼續跳 毋管伊 規塗跤的衫

咱繼續跳，毋管伊，規塗跤的衫

Lán kè-sio̍k thiàu, m̄-kuán i, kui thôo-kha ê sann

你急欲展功夫 拐著我的跤

你急欲展功夫，拐著我的跤

Lí kip beh tián kang-hu, kuái tio̍h guá ê kha

邊仔煞傳出笑聲 月娘出來啦!

邊仔煞傳出笑聲，月娘出來啦！

Pinn--á suah thuân tshut tshiò-siann, gue̍h-niû tshut--lâi lah

下晡的門口埕 有蝴蝶二隻

下晡的門口埕，有蝴蝶二隻

Ē-poo ê mn̂g-kháu-tiânn, ū ôo-tia̍p nn̄g tsiah

咱繼續跳 毋管伊ワルツ是啥?

咱繼續跳，毋管伊ua-lú-tsuh是啥

Lán kè-sio̍k thiàu, m̄-kuán i ua-lú-tsuh sī siánn