｜袂後悔啦 袂後悔啦 這擺絕對袂後悔

袂後悔啦 袂後悔啦 這擺絕對袂後悔

bē hiō-hué--lah, bē hiō-hué--lah, tsit-pái tsua̍t-tuì bē hiō-hué

｜婀娜的身軀風情美麗 溫柔的頭毛隨風佇飛

婀娜的身軀 風情美麗 溫柔的頭毛 隨風咧飛

o-lô ê sin-khu, hong-tsîng bí-lē, un-jiû ê thâu-moo, suî hong teh pue

｜哎喲喂啊 哎喲喂啊 鼻甲我心花開

哎喲喂啊 哎喲喂啊 鼻甲我心花開

ai-iō-uê-ah, ai-iō-uê-ah, phīnn kah guá sim-hue khui

｜規个心變甲荒荒廢廢 一个人完全有魂無體

規个心變甲荒荒廢廢 一个人完全有魂無體

kui-ê sim piàn kah hng-hng-huè-huè, tsi̍t-ê-lâng uân-tsuân ū-hûn bô-thé

｜無人格啦 無人格啦 我是失去了控制

無人格啦 無人格啦 我是失去了控制

bô jîn-keh--lah, bô jîn-keh--lah, guá sī sit-khì liáu khòng-tsè

｜煞著妳 煞著妳

煞著你 煞著你

sannh-tio̍h lí, sannh-tio̍h lí

.

.

｜無問題啦 無問題啦 這擺絕對無問題

無問題啦 無問題啦 這擺絕對無問題

bô būn-tê--lah, bô būn-tê--lah, tsit-pái tsua̍t-tuì bô būn-tê

｜神祕的聲音講話仗勢 迷人的笑容皮肉幼白

神祕的聲音講話聳勢 迷人的笑容皮肉幼白

sîn-pì ê siann-im kóng-uē sáng-sè, bê-lâng ê tshiò-iông phuê-bah iù-pe̍h

｜哎喲喂啊 哎喲喂啊 眼著我心花開

哎喲喂啊 哎喲喂啊 眼著我心花開

ai-iō-uê-ah, ai-iō-uê-ah, gán tio̍h guá sim-hue khui

｜我袂來對妳空喙薄舌 我現在所有攏總予妳

我袂來對你空喙哺舌 我現在所有 攏總予你

guá bē lâi tuì lí khang-tshuì-pōo-tsi̍h, guá hiān-tsāi sóo-ū, lóng-tsóng hōo lí

｜無性地啦 無性地啦 欲安怎樣攏無關係

無性地啦 無性地啦 欲按怎樣攏無關係

bô sìng-tē--lah, bô sìng-tē--lah, beh án-tsuánn-iūnn lóng bô-kuan-hē

｜煞著妳 煞著妳

煞著你 煞著你

sannh-tio̍h lí, sannh-tio̍h lí

.

.

｜做水災啦 做水災啦 我的感情大風颱

做水災啦 做水災啦 我的感情大風颱

tsò-tsuí-tsai--lah, tsò-tsuí-tsai--lah, guá ê kám-tsîng tuā hong-thai

｜綴著妳跤步風雨若來 看著妳行路心脾開懷

綴著你跤步 風雨若來 看著你行路 心脾開懷

tuè tio̍h lí kha-pōo, hong-hōo nā lâi, khuànn tio̍h lí kiânn-lōo, sim-pî khai-huâi

｜哎喲喂啊 哎喲喂啊 行到我心花開

哎喲喂啊 哎喲喂啊 行甲我心花開

ai-iō-uê-ah, ai-iō-uê-ah, kiânn kah guá sim-hue khui

｜頭前的小姐欲去叨位 妳慢慢行我連鞭來去

頭前的小姐欲去佗位 你慢慢行 我連鞭來去

thâu-tsîng ê sió-tsiá beh khì tó-uī, lí bān-bān kiânn, guá liâm-mi lâi-khì

｜稍等一咧 稍等一咧 全世界只愛妳一个

小等一下 小等一下 全世界只愛你一个

sió tán--tsi̍t-ē, sió tán--tsi̍t-ē, tsuân sè-kài tsí ài lí tsi̍t-ê

｜煞著妳 煞著妳 煞著妳 煞著妳

煞著你 煞著你 煞著你 煞著你

sannh-tio̍h lí, sannh-tio̍h lí, sannh-tio̍h lí, sannh-tio̍h lí

.

.

｜煞著妳

煞著你

sannh-tio̍h lí