｜阮阿公空襲的時早就已經跋落山跤

阮阿公空襲的時 早就已經跋落山跤

guán a-kong khong-si̍p ê sî, tsá tō í-king pua̍h-lo̍h suann-kha

｜阮阿媽的豬牢予伊燒甲臭火焦

阮阿媽的豬牢 予怹燒甲臭火焦

guán a-má ê ti-tiâu. hōo in sio-kah tshàu-hué-ta

｜阮阿爸上班的糖廠去予掃甲一空一隙

阮阿爸上班的糖廠 去予掃甲一空一隙

guán a-pah siōng-pan ê thn̂g-tshiúnn, khì hōo sàu-kah tsi̍t-khang tsi̍t-khiah

｜作田的攏嘛走去覕佇樹仔跤

做田的攏嘛走去覕佇樹仔跤

tsò-tshân--ê, lóng-mā tsáu-khì bih tī tshiū-á-kha

.

.

｜飛行機若來你就趴落爛溝仔抑是塗跤

飛行機若來 你就仆落去爛溝仔抑是塗跤

pue-lîng-ki nā lâi, lí tō phak lo̍h-khì nuā-kau-á ia̍h-sī thôo-kha

｜阮厝邊有人袂赴去予彈到跤

阮厝邊有人袂赴 去予彈著跤

guán tshù-pinn ū-lâng bē hù, khì hōo tuânn tio̍h kha

｜飛行機飛來的時sńg-sńg叫是有夠大聲

飛行機飛來的時 sǹg-sǹg叫 是有夠大聲

hue-lîng-ki pue lâi ê sî, sǹg-sǹg kiò, sī ū-kàu tuā-siann

｜你遠遠無見人是已經就知影

你遠遠無看著人 是已經就知影

lí hn̄g-hn̄g bô khuànn tio̍h lâng, sī í-king tō tsai-iánn

.

.

｜啊～～～這款的代誌

啊~這款的代誌

ah~ tsit khuán ê tāi-tsì

｜啊～～～學校攏無提

啊~學校攏無提

ah~ ha̍k-hāu lóng bô thî

｜啊～～～彼當時哪遮爾神祕(未來嘛是非常神祕)

啊~彼當陣仔遮爾神祕(未來嘛是非常神祕)

ah~ hit-tang-tsūn-á tsiah-nī sîn-pì (bī-lâi mā sī-hui tshiâng sîn-pì)

.

.

｜聽說是美軍欲來炸台灣的日本兵仔

聽講是美軍欲來炸臺灣的日本兵仔

thiann-kóng sī Bí-kun beh lâi tsà Tâi-uân ê ji̍t-pún ping-á

｜聽說咱攏總唱著日本的軍歌

聽講咱攏總唱著日本的軍歌

thiann-kóng lán lóng-tsóng tshiùnn tio̍h Ji̍t-pún ê kun kua

｜聽說咱著愛交出鋤頭跤刀　參lô-lái-bà

聽講咱著愛交出鋤頭鉸刀參loo-lài-bah

thiann-kóng lán to̍h-ài kau tshut tî-thâu ka-to tsham loo-lài-bah

｜說戰爭是保護咱家己的國家

講戰爭是欲保護咱家己的國家

kóng tsiàn-tsing sī beh pó-hōo lán ka-kī ê kok-ka

.

.

｜酸酸喲喲酸喲喲

酸酸喲喲 酸喲喲

sng-sng iō-iō, sng iō-iō

｜囡仔時的 Radio 攏聽會著

囡仔時的 la-ji-ooh 攏聽會著

gín-á sî ê la-ji-ooh lóng thiann ē tio̍h

｜對你的了解哪遮爾少

對你的了解 哪遮爾少

tuì lí ê liáu-kái, ná tsiah-nī tsió

｜歷史的傷害閣有影毋是凊彩

歷史的傷害 閣有影毋是凊彩

li̍k-sú ê siong-hāi, koh ū-iánn m̄-sī tshìn-tshái

.

.

｜自開始我攏當做是阮阿爸佇講詼諧

自開始我攏當做是 阮阿爸咧講的詼諧

tsū khai-sí guá lóng tòng-tsò sī, guán a-pah leh kóng ê khue hâi

｜自開始毋知咱過去有遮濟的目屎

自開始毋知 咱過去有遮濟的目屎

tsū khai-sí m̄-tsai, lán kuè-khì ū tsia tsē ê ba̍k-sái

｜現此時咱是生活佇咧無仝的世界

現此時咱是生活 佇咧無仝的世界

hiān-tshú-sî lán sī sing-ua̍h, tī-leh bô-kāng ê sè-kài

｜毋知影飛行機當時會閣來

毋知影飛行機 當時會閣來

m̄ tsai-iánn pue-lîng-ki, tang-sî ē koh lâi