｜我已不在相信你 無論你多客氣

我已不再相信你 無論你偌客氣

guá í put-tsài siong-sìn lí, bô-lūn lí guā kheh-khì

｜安怎來表示 我要斬斷咱情誼

按怎來表示 我欲斬斷咱情誼

án-tsuánn lâi piáu-sī, guá beh tsám-tn̄g lán tsîng-gî

｜心情是不得已 無法度原諒妳

心情是不得已 無法度原諒你

sim-tsîng sī put-tik-í, bô-huat-tiōo guân-liōng lí

｜穿著伊的面皮 害我當作伊是你

穿著伊的面皮 害我當做伊是你

tshīng tio̍h i ê bīn-phuê, hāi guá tòng-tsuè i sī lí

｜妳是雙面人 做著兩個夢

你是雙面人 做著兩个夢

lí sī siang-bīn-lâng, tsò tio̍h nn̄g-ê bāng

｜一個為自己 一個騙別人

一个為自己 一个騙別人

tsi̍t-ê uī tsū-kí, tsi̍t-ê phiàn pa̍t-lâng

.

.

｜若無妳那攏抹歹勢 你說著白賊的情話

若無你哪攏袂歹勢 你講著白賊的情話

nā-bô, lí ná lóng bē pháinn-sè, lí kóng tio̍h pe̍h-tsha̍t ê tsîng-uē

｜將我當作妳的手中傀儡

將我當做你的手中傀儡

tsiong guá tòng-tsò lí ê tshiú-tiong ka-lé

｜牽線弄體 隨你所要 我當作是應該

牽線弄體 隨你所欲 我當做是應該

khan-suànn lāng-thé, suî lí sóo beh, guá tòng-tsuè sī ìng-kai

｜我是憨甲好跳海~

我是戇甲好跳海

guá sī gōng kah hó thiàu-hái

.

.

｜說話攏開叉 腳踏抹得地

講話攏開叉 跤踏袂著地

kóng-uē lóng khui-tshe, kha ta̍h bē tio̍h tē

｜信心若銑子 彈去不再回

信心若銃子 彈去不再回

sìn-sim ná tshìng-tsí, tuānn--khì put-tsài huê

｜說話攏開叉 腳踏抹得地

講話攏開叉 跤踏袂著地

kóng-uē lóng khui-tshe, kha ta̍h bē tio̍h tē

｜氣攏隨妳激 戲攏搬妳的

氣攏隨你激 戲攏搬你的

khì lóng suî lí kik, hì lóng puann lí--ê

｜妳是雙面人 做著兩個夢

你是雙面人 做著兩个夢

lí sī siang-bīn-lâng, tsò tio̍h nn̄g-ê bāng

｜一個為自己 一個騙別人

一个為自己 一个騙別人

tsi̍t-ê uī tsū-kí, tsi̍t-ê phiàn pa̍t-lâng

.

自己~ 家己

｜若無妳那攏抹歹勢 妳展開悲戀的姿勢

若無你哪攏袂歹勢 你展開悲戀的姿勢

nā-bô, lí ná lóng bē pháinn-sè, lí tián-khui pi-luân ê tsu-sè

｜乎我當作妳是為我付出

予我當做是你為我付出

hōo guá tòng-tsò sī lí uī guá hù-tshut

｜迷魂玉體 青春美麗 我當作是意愛

迷魂玉體 青春美麗 我當做是意愛

bê-hûn gio̍k-thé, tshing-tshun bí-lē, guá tòng-tsuè sī ì-ài

｜乎我懷疑你我到底互相誰較正當

予我懷疑 你我到底互相誰較正當

hōo guá huâi-gî, lí guá tàu-té hōo-siong siáng khah tsìng-tong

｜妳是雙面人 做著兩個夢

你是雙面人 做著兩个夢

lí sī siang-bīn-lâng, tsò tio̍h nn̄g-ê bāng

｜一個為自己 一個騙別人

一个為自己 一个騙別人

tsi̍t-ê uī tsū-kí, tsi̍t-ê phiàn pa̍t-lâng

.

.

｜妳是雙面人 妳是雙面人 雙面人 雙面人

你是雙面人 你是雙面人 雙面人 雙面人

lí sī siang-bīn-lâng, lí sī siang-bīn-lâng, siang-bīn-lâng, siang-bīn-lâng