阮住佇艋舺 正港的老台北

阮蹛佇艋舺 正港的老台北

Gún tuà tī Báng-kah, tsiànn-káng ê lāu Tâi-pak

凱達格蘭族所講的小船仔

凱達格蘭族所講的小船仔

Ketagalan sóo kóng ê sió-tsûn-á

生理人 位清朝開始來到這

生利人 對清朝開始來到遮

Sing-lí-lâng uì Tshing-tiâu khai-sí lâi kàu tsia

商業大城 頂港有名聲

商業大城 頂港有名聲

Siong-gia̍p tuā-siânn tíng-kang ū miâ-siann

同安 三邑人 不時相拍相嚷

同安 三邑人 不時相拍相嚷

Tâng-uann Sam-ip-lâng put-sî sio-phah sio-jiáng

一屏拜城隍 一屏拜青山王

一爿拜城隍 一爿拜菁山王

Tsi̍t pîng pài Sîng-hông, tsi̍t pîng pài Tsinn-suann-ông

頂郊下郊搶地盤 殺甲掠狂

頂郊下郊搶地盤 刣甲掠狂

Tíng-kau ē-kau tshiúnn tē-puânn, thâi kah lia̍h-kông

煞去牽拖著 安溪的祖師公

煞去牽拖著 安溪的祖師公

Suah khì khan-thua tio̍h An-khe ê Tsóo-su-kong

港仔尾 是阮生長的角頭

港仔尾 是阮生長的角頭

Káng-á-bué sī guán sing-tióng ê kak-thâu

西園國小 萬中 是我的母校

西園國小 萬中 是我的母校

Se-uân Kok-sió Bān-tiong sī guá ê bú-hāu

麻竹豆菜 品質乎人會頓頭

麻竹豆菜 品質予人會頕頭

Muâ-tik tāu-tshài phín-tsit hōo lâng ē tìm-thâu

加蚋仔公學校 野球是上介敖

加蚋仔公學校 野球是上界𠢕

Ka-la̍h-á Kong-ha̍k-hāu iá-kiû sī siōng-kài gâu

老師常常跟阮講東區較進步

老師定定共阮講東區較進步

Lāu-su tiānn-tiānn kā guán kóng Tang-khu khah tsìn-pōo

人的囝仔三不五時就出國去憩陶

人的囡仔三不五時就出國去𨑨迌

Lâng ê gín-á sam-put-gōo-sî tō tshut-kok khì tshit-thô

阮同學 逐工下課攏去廟仔憩陶

阮同學 逐工下課攏去廟仔𨑨迌

Guán tông-o̍h ta̍k-kang hā-khò lóng khì biō-á tshit-thô

人佇補英語 尹佇陣頭學撞鼓

人咧補英語 𪜶佇陣頭學挵鼓

Lâng teh póo Ing-gí, in tī tīn-thâu o̍h lòng kóo

一府二鹿三艋舺

一府二鹿三艋舺

It Hú jī Lo̍k sann Báng-kah

台北的起頭就佇這

台北的起頭就佇遮

Tâi-pak ê khí-thâu tō tī tsia

時代按怎變化阮無佇驚

時代按怎變化阮無咧驚

Sî-tāi án-tsuánn piàn-huà guán bô teh kiann

帶著傳統文化向前行

帶著傳統文化向前行

Tuà-tio̍h thuân-thóng bûn-huà hiòng-tsiân kiânn

民主聖地的稱呼 阮感覺驕傲

民主聖地的稱呼 阮感覺驕傲

Bîn-tsú sìng-tē ê tshing-hoo guán kám-kak kiau-ngōo

Nylon先生佇這 發起綠色行動

Nylon先生佇遮 發起綠色行動

Nylon sian-sinn tī tsia huat-khí Lik-sik Hîng-tōng

政治犯的血 蓋佇溪邊彼堆土

政治犯的血 崁佇溪邊彼堆塗

Tsìng-tī-huān ê hueh khàm tī khe-pinn hit-tui thôo

人權絕對袂當擱行回頭路

人權絕對袂當閣行回頭路

Jîn-kuân tsua̍t-tuì bē-tàng koh kiânn huê-thâu-lōo

都市翻新 紅瓦厝變作大樓

都市翻新 紅瓦厝變做大樓

Too-tshī huan-sin, âng-hiā-tshù piàn-tsò tuā-lâu

舊地圖跟廟會界定古早的庄頭

舊地圖佮廟會界定古早的庄頭

Kū tē-tôo kap biō-huē kài-tīng kóo-tsá ê tsng-thâu

過去冤仇化解佇咧大拜拜

過去冤仇化解佇咧大拜拜

Kuè-khì uan-siû huà-kái tī teh tuā-pài-pài

早就無人佇計較 誰慢到誰先來

早就無人咧計較 啥人慢到啥人先來

Tsá tō bô lâng teh kè-kàu siáng bān kàu siáng sing lâi

現主時的艋舺大道 古早是鐵枝路

現此時的艋舺大道 古早是鐵枝路

Hiān-tsú-sî ê Báng-kah Tuā-tō kóo-tsá sī thih-ki-lōo

日本式的老車頭 已經尋無

日本式的老車頭 已經揣無

Ji̍t-pún-sik ê lāu tshia-thâu í-king tshuē bô

大理街的店仔攏佇賣衫仔褲

大理街的店仔攏咧賣衫仔褲

Tāi-lí-ke ê tiàm-á lóng teh bē sann-á-khòo

社區意識 保存了老糖廠的倉庫

社區意識 保存了老糖廠的倉庫

Siā-khu ì-sik pó-tsûn liáu lāu thn̂g-tshiúnn ê tshng-khòo

阮第一擺的唸歌表演佇西門町

阮第一擺的唸歌表演佇西門町

Guán tē-it pái ê liām-kua piáu-ián tī Se-mn̂g-ting

巷仔內壁面 藝術家的噴漆作品

巷仔內壁面 藝術家的噴漆作品

Hāng-á-lāi piah-bīn gē-su̍t-ka ê phùn-tshat tsok-phín

電影公園內底DJ放著老唱片

電影公園內底DJ放著老唱片

Tiān-iánn Kong-hn̂g lāi-té DJ pàng-tio̍h lāu tshiùnn-phìnn

B BOY尬舞 隨時攏會當開始

B BOY尬舞 隨時攏會當開始

B BOY kà-bú suî-sî lóng ē-tàng khai-sí

一府二鹿三艋舺

一府二鹿三艋舺

It Hú jī Lo̍k sann Báng-kah

台北的起頭就佇這

台北的起頭就佇遮

Tâi-pak ê khí-thâu tō tī tsia

時代按怎變化阮無佇驚

時代按怎變化阮無咧驚

Sî-tāi án-tsuánn piàn-huà guán bô teh kiann

帶著傳統文化向前行

帶著傳統文化向前行

Tuà-tio̍h thuân-thóng bûn-huà hiòng-tsiân kiânn

WE LIVE IN 艋舺 BABY

WE LIVE IN 艋舺 BABY

WE LIVE IN Báng-kah BABY

台北的BROOKLYN BABY

台北的BROOKLYN BABY

Tâi-pak ê BROOKLYN BABY

WE LIVE IN 艋舺 BABY

WE LIVE IN 艋舺 BABY

WE LIVE IN Báng-kah BABY

台北的BROOKLYN BABY

台北的BROOKLYN BABY

Tâi-pak ê BROOKLYN BABY

誰講台北城 攏無人情味

啥人講台北城 攏無人情味

Siáng kóng Tâi-pak-siânn lóng bô jîn-tsîng-bī

歡迎來這 走尋古城的滋味

歡迎來遮 走揣古城的滋味

Huan-gîng lâi tsia tsáu-tshuē kóo-siânn ê tsu-bī

青年公園 聽三叔公唸歌詩

青年公園 聽三叔公唸歌詩

Tshing-liân Kong-hn̂g thiann sann-tsik-kong liām kua-si

龍山寺口 跟歐吉桑講政治

龍山寺口 佮oo-jí-sáng講政治

Liông-san-sī kháu kap oo-jí-sáng kóng tsìng-tī

老社區的價值 等阮來發現

老社區的價值 等阮來發現

Lāu siā-khu ê kè-ta̍t tán guán lâi huat-hiān

無是一直起新厝 較叫作發展

毋是一直起新厝 才叫做發展

M̄-sī it-ti̍t khí sin-tshù khah kiò-tsò huat-tián

文化的資源 乎人會欣羨

文化的資源 予人會欣羨

Bûn-huà ê tsu-guân hōo lâng ē him-siān

大聲講出我是艋舺人 毋免歹勢

大聲講出我是艋舺人 毋免歹勢

Tuā-siann kóng tshut guá sī Báng-kah-lâng, m̄-bián pháinn-sè