│有人是無行蹤　有人被風笑憨

有人是無行蹤 有人被風笑戇

ū-lâng sī bô hîng-tsong, ū-lâng pī hong tshiò gōng

│熱戀的風吹飄來飛去　想未到彼放蕩

熱戀的風吹 飄來飛去 想袂到遐放蕩

jia̍t-luân ê hong-tshue, phiau lâi pue khì, siūnn buē kàu hiah hòng-tōng

│伊親像一陣風　定定無守信用

伊親像一陣風 定定無守信用

i tshin-tshiūnn tsi̍t-tsūn hong, tiānn-tiānn bô siú sìn-iōng

│六月的炎天引阮牽掛可愛的薄情郎

六月的炎天 引阮牽掛 可愛的薄情郎

la̍k-gue̍h ê iām-thinn, ín gún khian-kuà, khó-ài ê po̍k-tsîng-lông

--

.

.

│風吹風吹　風中一張批

風吹風吹 風中一張批

hong-tshue hong-tshue, hong-tiong tsi̍t-tiunn phue

│寫在夢中的　相思有多少

寫在夢中的相思有偌濟

siá tsāi bāng-tiong ê siunn-si ū guā-tsuē

│緣份由天控制　簡單一句話

緣份由天控制 簡單一句話

iân-hūn iû thinn khòng-tsè, kán-tan tsi̍t-kù uē

│情斷無相借問　阮是誰人的

情斷無相借問 阮是啥人的

tsîng tuān bô sio-tsioh-mn̄g, gún sī siánn-lâng--ê

--

.

.

│有時陣熱烘烘　有時陣足失望

有時陣熱烘烘 有時陣足失望

ū-sî-tsūn jia̍t-hong-hong, ū-sî-tsūn tsiok sit-bōng

│熱戀在風中春來秋去　有情就愛保重

熱戀在風中 春來秋去 有情著愛保重

jia̍t-luân tsāi hong-tiong, tshun lâi tshiu khì, ū-tsîng tio̍h-ài pó-tiōng

│伊親像一陣風　輕輕將阮煽動

伊親像一陣風 輕輕將阮煽動

i tshin-tshiūnn tsi̍t-tsūn hong, khin-khin tsiong gún siàn-tōng

│六月的夢中猶原相信有一日再相逢

六月的夢中 猶原相信 有一日再相逢

la̍k-gue̍h ê bāng-tiong, iu-guân siong-sìn, ū-tsi̍t-ji̍t tsài siong-hông

--

.

.

│風吹風吹　風中一枝花

風吹風吹 風中一枝花

hong-tshue hong-tshue, hong-tiong tsi̍t-ki hue

│誰人會知　青春存多少

啥人會知 青春賰偌濟

siánn-lâng ē tsai, tshing-tshun tshun guā-tsuē

│緣份是相欠債　簡單一句話

緣份是相欠債 簡單一句話

iân-hūn sī sio-khiàm-tsè, kán-tan tsi̍t kù uē

│情斷嘛無計較　阮是別人的

情斷嘛無計較 阮是別人的

tsîng tuān mā bô kè-kàu, gún sī pa̍t-lâng--ê

│（情斷嘛無計較　阮是誰人的）

(情斷嘛無計較 阮是啥人的)

(tsîng tuān mā bô kè-kàu, gún sī siánn-lâng--ê)