│哈　堂堂五尺以上我是男子漢

哈~堂堂五尺以上 我是男子漢

ha~ tông-tông gōo-tshioh í-siōng, guá sī lâm-tsú-hàn

│若要給人尊重你　著愛熱誠對人

若欲予人尊重你 著愛熱誠對人

nā beh hōo-lâng tsun-tiōng lí, tio̍h-ài jia̍t-sîng tuì lâng

│做人著愛廣交　朋友兄弟相痛疼

做人著愛廣交 朋友兄弟相疼痛

tsuè-lâng tio̍h-ài kóng-kau, pîng-iú hiann-tī sio thiànn-thàng

│互相鼓勵互相幫忙

互相鼓勵 互相幫忙

hōo-siong kóo-lē, hōo-siong pang-bâng

│男子漢有什麼通好計較　有什麼通好怨嘆

男子漢 有啥物通好計較 有啥物通好怨嘆

lâm-tsú-hàn, ū siánn-mih thang-hó kè-kàu, ū siánn-mih thang-hó uàn-thàn

--

.

.

│哈　生成漂泊風度我是男子漢

哈~生成飄撇風度 我是男子漢

ha~ sinn-sîng phiau-phiat hong-tōo, guá sī lâm-tsú-hàn

│若要給人看有夠重　著愛真心對人

若欲予人看有夠重 著愛真心對人

nā beh hōo-lâng khuànn ū-kàu tāng, tio̍h-ài tsin-sim tuì lâng

│做人公明正大　事事項項知輕重

做人光明正大 事事項項知輕重

tsuè-lâng kong-bîng tsìng-tāi, sū-sū-hāng-hāng tsai-khin-tāng

│互相愛護互相稱讚

互相愛護 互相稱讚

hōo-siong ài-hōo, hōo-siong tshing-tsán

│男子漢前途是無限希望　前途是光明燦爛

男子漢 前途是無限希望 前途是光明燦爛

lâm-tsú-hàn, tsiân-tôo sī bô-hān hi-bāng, tsiân-tôo sī kong-bîng tshàn-lān