│今夜又是月光暝 月娘對阮笑微微

今夜又是月光暝 月娘對阮笑咪咪

kim-iā iū sī ge̍h-kng-mî, ge̍h-niû tuì gún tshiò bi-bi

│為著生活來打拼 開著貨櫃車

為著生活來拍拚 開著貨櫃車

uī-tio̍h sing-ua̍h lâi phah-piànn, khui tio̍h huè-kuī-tshia

-

.

.

│現在也已經是深夜 想起著可愛孩子

現在也已經是深夜 想起著可愛囝兒

hiān-tsāi iā í-king sī tshim-iā, siūnn-khí tio̍h khó-ài kiánn-jî

│天真的模樣引阮的疲勞消失 精神又提起

天真的模樣 引阮的疲勞消去 精神又提起

thian-tsin ê bôo-iūnn, ín gún ê phî-lô siau--khì, tsing-sîn iū the̍h-khí

-

.

.

│有時遇到落雨暝 高速公路暗冥冥

有時拄著落雨暝 高速公路暗眯眯

ū-sî tú-tio̍h lo̍h-hōo mî, ko-sok-kong-lōo àm-bî-bî

│為著生活也要行 專心來開車

為著生活也愛行 專心來開車

uī-tio̍h sing-ua̍h iā ài kiânn, tsuan-sim lâi khui-tshia

-

.

.

│雖然是落雨的暗暝 想起著可愛家庭

雖然是落雨的暗暝 想起著可愛家庭

sui-jiân sī lo̍h-hōo ê àm-mî, siūnn-khí tio̍h khó-ài ka-tîng

│溫柔的妻兒引阮的精神提起 繼續擱來去

溫柔的妻兒 引阮的精神提起 繼續閣來去

un-jiû ê tshe-jî, ín gún ê tsing-sîn the̍h-khí, kè-sio̍k koh lâi-khì