│下暗咱相招來去　咱來去來去迺夜市

下暗咱相招來去 咱來去來去踅夜市

e-àm lán sio-tsio lâi-khì, lán lâi-khì lâi-khì se̍h iā-tshī

│衫褲甲穿乎拍哩拍哩　抹粉嘛點胭脂

衫褲共穿予拋哩拋哩 抹粉嘛點胭脂

sann-khòo kā tshīng hōo pha-lih-pha-lih, buah-hún mā tiám ian-tsi

│

.

.

│下暗是好天氣　咱來去來去迺夜市

下暗是好天氣 咱來去來去踅夜市

e-àm sī hó thinn-khì, lán lâi-khì lâi-khì se̍h iā-tshī

│天星嘛為咱閃閃熾熾　月娘的面嘛紅吱吱

天星嘛為咱閃閃爍爍 月娘的面嘛紅記記

thinn-tshinn mā uī lán siám-siám-sih-sih, ge̍h-niû ê bīn mā âng-kì-kì

│

.

.

│男女老幼滿滿是　情侶雙雙又對對

男女老幼滿滿是 情侶雙雙又對對

lâm-lú-ló-iù muá-muá-sī, tsîng-lī siang-siang iū tuì-tuì

│帶過來迺過去　歡歡喜喜鬧熱亟亟

𤆬過來踅過去 歡歡喜喜鬧熱𩑾𩑾

tshuā kuè-lâi se̍h kuè-khì, huann-huann-hí-hí lāu-jia̍t-tshih-tshih

│一攤一攤的山珍海味　頭家好禮擱好嘴

一擔一擔的山珍海味 頭家好禮閣好喙

tsi̍t-tànn tsi̍t-tànn ê san-tin-hái-bī, thâu-ke hó-lé koh hó-tshuì

│嘩過來揪過去　充滿人情味可愛的夜市

喝過來搝過去 充滿人情味 可愛的夜市

huah kuè-lâi giú kuè-khì, tshiong-buán jîn-tsîng-bī, khó-ài ê iā-tshī

│

.

.

│下暗若無啥代誌　咱來去來去迺夜市

下暗若無啥代誌 咱來去來去踅夜市

e-àm nā bô-siánn tāi-tsì, lán lâi-khì lâi-khì se̍h iā-tshī

│下暗咱相招來去　充滿人情味可愛的夜市

下暗咱相招來去 充滿人情味 可愛的夜市

e-àm lán sio-tsio lâi-khì, tshiong-buán jîn-tsîng-bī, khó-ài ê iā-tshī

│

.

.

│遊夜街好夜街市　日頭墮落地

遊夜街好夜街市 日頭墜落地

iû iā-ke hó iā-ke-tshī, ji̍t-thâu tuī-lo̍h tē

│夜暝的紅燈青燈　照落滿街市

夜暝的紅燈青燈 照落滿街市

iā-mî ê âng-ting tshinn-ting, tsiò lo̍h muá ke-tshī