│月娘光光掛天頂　嫦娥置那住

月娘光光掛天頂 嫦娥佇遐蹛❤️❤️❤️

gue̍h-niû kng-kng kuà thinn-tíng, Siông-ngôo tī hia tuà

│你是阮的掌上明珠　抱著金金看

你是阮的掌上明珠 抱著金金看

lí sī gún ê tsiáng-siōng-bîng-tsu, phō tio̍h kim-kim khuànn

│看你度晬　看你收涎　看你底學行

看你度晬 看你收瀾 看你咧學行

khuànn lí tōo-tsè, khuànn lí siu-nuā, khuànn lí teh o̍h-kiânn

│看你會走　看你出世　相片一大疊

看你會走 看你出世 相片一大疊

khuànn lí ē-tsáu, khuànn lí tshut-sì, siòng-phìnn tsi̍t tuā tha̍h

-

:

:

│輕輕聽著喘氣聲　心肝寶貝子

輕輕聽著喘氣聲 心肝寶貝囝

khin-khin thiann tio̍h tshuán-khuì-siann, sim-kuann pó-puè-kiánn

│你是阮的幸福希望　斟酌給你晟

你是阮的幸福希望 斟酌共你晟

lí sī gún ê hīng-hok hi-bāng, tsim-tsiok kā lí tshiânn

│望你精光　望你才情　望你趕緊大

望你精光 望你才情 望你趕緊大

bāng lí tsing-kong, bāng lí tsâi-tsîng, bāng lí kuánn-kín tuā

│望你古錐　健康活潑　毋驚受風寒

望你古錐 健康活潑 毋驚受風寒

bāng lí kóo-tsui, kiān-khong hua̍t-phuat, m̄-kiann siū hong-kuânn

-

:

:

│鳥仔風箏　攏總會飛　到底為什麼

鳥仔風吹 攏總會飛 到底為啥物

tsiáu-á hong-tshue, lóng-tsóng ē pue, tàu-té uī-siánn-mih

│魚仔船隻　攏是無腳　按怎會徙位

魚仔船隻 攏是無跤 按怎會徙位

hî-á tsûn-tsiah, lóng-sī bô kha, án-tsuánn ē suá-uī

│日頭出來　日頭落山　日頭對叨去

日頭出來 日頭落山 日頭對佗去

ji̍t-thâu tshut-lâi, ji̍t-thâu lo̍h-suann, ji̍t-thâu tuì tó khì

│春天的花　愛吃的蜂　伊是置叨位

春天仔的花 愛食的蜂 伊是佇佗位

tshun-thinn-á ê hue, ài tsia̍h ê phang, i sī tī tó-uī

-

:

:

│鳥仔有翅　風箏有線　才會天頂飛

鳥仔有翼 風吹有線 才會天頂飛

tsiáu-á ū si̍t, hong-tshue ū suànn, tsiah-ē thinn-tíng pue

│魚仔有尾　親像行船　希望著愛找

魚仔有尾 親像行船 希望著愛揣

hî-á ū bué, tshin-tshiūnn kiânn-tsûn, hi-bāng tio̍h-ài tshuē

│日頭出來　日頭落山　日子攏安呢過

日頭出來 日頭落山 日子攏按呢過

ji̍t-thâu tshut-lâi, ji̍t-thâu lo̍h-suann, ji̍t-tsí lóng án-ne kuè

│花謝花開　天暗天光　同款的問題

花謝花開 天暗天光 仝款的問題

hue-siā hue-khui, thinn-àm thinn-kng, kāng-khuán ê būn-tuê