│田底稻仔青青　家家戶戶好收成

田底稻仔青青　家家戶戶好收成

Tshân-té tiō-á tshinn-tshinn，ke-ke-hōo-hōo hó siu-sîng

│滿山茶葉清香　姑娘歌聲迷人

滿山茶葉清芳　姑娘歌聲迷人

Muá-suann tê-hio̍h tshing-phang，koo-niû kua-siann bê-lâng

│少年仔割草犁田土　靠咱本領相照顧

少年仔割草犁田塗　靠咱本領相照顧

Siàu-liân-á kuah-tsháu lê tshân thôo，khò lán pún-líng sio tsiàu-kòo

│親家親母好鬥陣　燒酒扞來飲

親家親姆好鬥陣　燒酒捾來啉

Tshin-ke tshin-ḿ(-á) hó tàu-tīn，sio-tsiú kuānn lâi lim

-

-

:

│海峽吹來南風　蓮霧花開滿樹紅

海峽吹來南風　蓮霧花開滿樹紅

Hái-kiap tshue lâi lâm-hong，lián-bū khui-hue muá tshiū âng

│八月圳溝濁水　經過數百個鄉鎮

八月圳溝的濁水　經過數百的鄉鎮

Peh gue̍h tsùn-kau ê lô-tsuí，king-kuè sòo pah ê hiong-tìn

│山珍海味吃未空　鹹酸苦淡一世人

山珍海味食袂空　鹹酸苦汫一世人

San-tin-hái-bī tsia̍h buē khang，kiâm-sng-khóo-tsiánn tsi̍t-sì-lâng

│時代改變人情變　農友心不變

時代改變人情變　農友心不變

Sî-tāi kái-piàn jîn-tsîng piàn，lông-Iú sim put piàn

-

-

:

│受盡苦中苦　日曬風來吹

受盡苦中苦　日曝風來吹

Siū tsìn khóo tiong khóo，ji̍t-pha̍k hong lâi tshue

│春夏擱秋冬　大海變良田

春夏閣秋冬　大海變良田

Tshun-hā koh tshiu-tang，tuā-hái piàn liông tiân

│腳踏一片地　頭頂一片天

跤踏一片地　頭頂一片天

kha ta̍h tsi̍t phìnn tē，thâu tíng tsi̍t phiàn thian

│公嬤有保庇　子孫大富貴

公媽有保庇　囝孫大富貴

Kong-má ū pó-pì，kiánn-sun tuā hù-kuì

-

-

:

│咱是勤儉打拼種田人

咱是勤儉拍拚種田人

Lán sī khûn-khiām phah-piànn tsìng-tshân-lâng

│有情有義凡事照起工

有情有意凡事照起工

Ū-tsîng-ū-gī huân-sū tsiàu-khí-kang

│一粒米　百粒汗　露水滴落心

一粒米　百粒汗　露水滴落心

Tsi̍t lia̍p bí，pah lia̍p kuānn，lōo-tsuí tih lo̍h sim

│(三不五時乾一杯　困難免驚惶)

三不五時乾一杯　困難免驚惶

Sam-put-gōo-sî kan tsi̍t pue，khùn-lân bián kiann-hiânn

│咱是出身惦農村草地人

咱是出世踮農村草地人

Lán sī tshut-sin tiàm lông-tshun tsháu-tē-lâng

│平安自在心情卡快活

平安自在心情較快活

Pîng-an tsū-tsāi sim-tsîng khah khuìnn-ua̍h

│人生長路來鼓勵　天涯做陣行

人生長路來鼓勵　天涯做陣行

Jîn-sing tn̂g lōo lâi kóo-lē，thian-gâi tsuè-tīn kiânn