這段坎坷的路程，有我也有你；

這段坎坷个路程，有我也有汝；

chit-tōaⁿ khám-khia̍t ê lō͘-têng，ū góa iā-ū lí

有笑容，有悲傷，摻著目屎和汗水。

有笑容，有悲傷，參着目屎和汗水。

ū chhiò-iông, ū pi-siong, chham tio̍h ba̍k-sái hām kōaⁿ-chúi

雖然頭前的路，遐爾烏暗遐爾長，

雖然頭前个路，遐爾烏暗遐爾長，

sui-jiân thâuchêng ê lō͘, hiah-nī o͘-àm hiah-nī tn̂g

佳哉有你，陪我勇敢行落去。

加再有汝，陪我勇敢行落去。

ka-chài ū lí, pôe góa ióng-kám kiâⁿ lo̍h-khì

這片溫柔的土地，有可愛的人民；

這片溫柔个土地，有可愛个人民；

chit phìⁿ un-liû ê thó͘-tē, ū khó-ài ê jîn-bîn

用性命，用青春，譜著美麗的歌詩。

用性命，用青春，譜著美麗个歌詩。

iōng sìⁿ-miā, iōng chheng-chhun, phó͘ tio̍h bí-lē ê koa-si

毋管大雨咧淋，毋驚塗跤咧動，

不管大雨塊淋，不驚塗脚塊動，

m̄-koán tōa hō͘ leh lâm, m̄ kiaⁿ thô͘-kha leh tāng

為著未來，作伙拍拚。

為着未來，做伙打拼。

uī tio̍h bī-lâi, chò-hóe phah-piàⁿ

台灣啊，台灣啊，你是我的母親我的名。

台湾啞，台湾啞，汝是我个母親我个名。

Tâioân ah, Tâioân ah, lí sī góa ê bú-chhin góa ê miâ

毋管別人按怎折磨你佮我，咱總是ài共目屎拭予焦。

不管別人按盞折磨汝甲我，咱總是愛共目屎拭乎焦。

m̄-koán pa̍t lâng án-chóaⁿ chiat-bôa lí kap góa, lán chóng--sī ài kā ba̍k-sái chhit hō͘ ta

台灣啊，台灣啊，光明的未來已經咧等咱。

台湾啞，台湾啞，光明个未來以經塊等咱。

Tâioân ah, Tâioân ah, kong-bîng ê bī-lâi í-keng leh tán lán

只要堅定信心大步向前行，番薯仔囝，一定代代湠。

只要堅定信心大步向前行，番薯仔囝，一定代代湠。

chí-iàu kian-tēng sìn-sim tōa pō͘ hiòng chiân kiâⁿ, han-chî á kiáⁿ , it-tēng tài tài thòaⁿ