│請借問播田的　田莊阿伯啊

請借問播田的，田庄阿伯啊

Tshiánn tsioh-mn̄g pòo-tshân ê，tshân-tsng a-peh ah

│人塊講繁華都市　台北對叼去

人咧講繁華都市，台北對佗去

Lâng teh kóng huân-huâ too-tshī， Tâi-pak tuì tó--khì

│阮就是無依偎可憐的女兒

阮就是無依倚，可憐的女兒

Gún tsiū-sī bô i-uá khó-liân ê lú-lî

│自細漢著來離開　父母的身邊

自細漢就來離開，爸母的身邊

Tsū sè-hàn tio̍h lâi lī-khui，pē-bú ê sin-pinn

│雖然無人替阮安排　將來代志

雖然無人替阮安排，將來代誌

Sui-liân bô lâng thè gún an-pâi，tsiong-lâi tāi-tsì

│阮想要來去都市　做著女工渡日子

阮想欲來去都市做著女工度日子

Gún siūnn beh lâi-khì too-tshī，tsuè tio̍h lí-kang tōo li̍t-tsí

│也通來安慰自己　心內的稀微

也通來安慰自己，心內的稀微

Iā than lâi an-uì tsū-kí，sim lāi ê hi-bî

-

:

:

│請借問路邊的　賣煙阿姐啊

請借問路邊的，賣薰阿姊啊

Tshiánn tsioh-mn̄g lōo-pinn ê，bē hun a-tsí ah

│人塊講對面彼間　工廠是不是

人咧講對面彼間，工場是毋是

Lâng teh kóng tuì-bīn hit king，kang-tiûnn sī m̄sī

│貼告是要用人　阮想要來去

貼告示欲用人，阮想欲來去

Tah kò-sī beh Īng lâng，gún siūnn beh lâi-khì

│我看你猶原不是　幸福的女兒

我看汝猶原毋是，幸福的女兒

Guá khuànn lí iû-guân m̄-sī ，hīng-hok ê lú-lî

│雖然無人替咱安排　將來代志

雖然無人替咱安排，將來代誌

Sui-liân bô lâng thè gún an-pâi，tsiong-lâi tāi-tsì

│在世間總是著要　自己打算才合理

在世間總是著愛自己拍算才合理

Tsāi sè-kan tsóng-sī tio̍h ài，tsū-kí phah-sǹg khah ha̍p-lí

│青春是不通耽誤　人生的真義

青春是毋通耽誤，人生的真義

Tshing-tshun sī m̄-thang tam-gōo，lîn-sing ê tsin-gī

-

:

:

│請借問門頭的　辦公阿伯啊

請借問門頭的，辦公阿伯啊

Tshiánn tsioh-mn̄g mn̂g-thâu ê，pān-kong a-peh ah

│人塊講這間工廠　有要採用人

人咧講這間工場，有欲採用人

Lâng teh kóng tsit king kang-tiûnn，ū beh tshái-iōng lâng

│阮雖然也少年　攏不知半項

阮雖然猶少年，攏毋知半項

Gún sui-liân iah siàu-liân，lóng m̄ tsai puānn-hāng

│同情我地頭生疏　以外無希望

同情我地頭生疏，以外無希望

Tông-tsîng guá tē-thâu tshinn-soo，ì-guā bô hi-bāng

│假使少錢也著忍耐　三冬五冬

假使少錢也著忍耐，三冬五冬

Ká-sú tsió tsînn iā tio̍h lím-nāi，sann-tang-gōo-tang

│為將來為著幸福　甘願受苦來活動

為將來為著幸福甘願受苦來活動

Uī tsiong-lâi uī tio̍h hīng-hok，kam-guān siū-khóo lâi ua̍h-tāng

│有一天總會得著　心情的輕鬆

有一日總會得著，心情的輕鬆

Ū tsi̍t li̍t tsóng ē tit-tio̍h，sim-tsîng ê khin-sang