│無意中登著你　雄雄不敢來相認

無意中搪著你 雄雄毋敢來相認

bô-ì-tiong tn̄g tio̍h lí, hiông-hiông m̄-kánn lâi sio-jīn

│往事茫茫渺渺的像流水

往事茫茫渺渺的像流水

óng-sū bông-bông-biáu-biáu--ê tshiūnn liû-suí

│難忘過去的情意　腳步煞愈踏愈緊

難忘過去的情意 跤步煞愈踏愈緊

lân-bōng kuè-khì ê tsîng-ì, kha-pōo suah jú ta̍h jú kín

│ 不敢越頭叫妳的名字

毋敢越頭叫你的名字

m̄-kánn ua̍t-thâu kiò lí ê miâ-jī

-

.

.

│酸冷風吹過來　癡情苦戀的無奈

酸冷風吹過來 痴情苦戀的無奈

sng-líng hong tshue--kuè-lâi, tshi-tsîng khóo-luân ê bû-nāi

│辜負一欉有情意的花蕊

辜負一欉有情意的花蕊

koo-hū tsi̍t tsâng ū tsîng-ì ê hue-luí

│無說一聲就離開　想來全然無滋味

無講一聲就離開 想來全然無滋味

bô kóng--tsi̍t--siann tiō lī-khui, siūnn--lâi tsuân-jiân bô tsu-bī

│我無值得妳這款的對待

我無值得你這款的對待

guá bô ta̍t-tit lí tsit-khuán ê tuì-thāi

-

.

.

│情夢茫茫到深更　醒來看無在身邊

情夢茫茫到深更 醒來看無佇身邊

tsîng-bāng bâng-bâng kàu tshim-kinn, tshínn--lâi khuànn bô tī sin-pinn

│窗外小雨也替妳哭歸暝

窗外小雨也替你哭規暝

thang-guā sió-hōo iā thè lí khàu kui-mî

│情夢茫茫到深更　醒來一切是過去

情夢茫茫到深更 醒來一切是過去

tsîng-bāng bâng-bâng kàu tshim-kinn, tshínn--lâi it-tshè sī kuè-khì

│想看覓愛我有啥意義

想看覓愛我有啥意義

siūnn khuànn-māi ài guá ū siánn ì-gī

-

.

.

-

---

---